Car'Italy
Car’Italy
Un viaggiu no tempu n'amu a fari
Si ti taliu un ti viu …
u Garibaldi forsi nenti ni capiu
ca’ na colonia stava istruennu
o issu u sapia e chiancì cu un’occhio ?
Mi dumannu. E va sapiscilu
n’zoccu avia ’ntra lu cori so’.
Ci fu na’ liberazioni inc’anciu ri n’atra occupazioni
pirsiviranza di cu lu munnu lu canusci
di cu lu munnu s’arrisetta e su impupa.
Un ci criu a lu casu n’ta li guerri
nun ci sunnu prumisiuni chi tennu
quannu li armi un su di cu li teni,
comu un ci sunnu ricchizzi
quannu li picciuli i’nta sacchetta
trasunu a debitu e nesciunu pi debitu.
Car’Italy sti istriuna ca ti raccuntanu,
ficiru ri tia na barzilletta
runni i caruti e i feriti su sulu pupa,
i pupi comu i ballerini e i giullari
comu i gladiatura o i jucatura
nu teatro car’Italy e tuttu nu tiatru.
E lu’ tiatro è giuvamento di lu signuri
lu tiatro è di lu signuri chi lu commissionò
chi l’artista istrui e chi lu dutturi rigista furmo’.
Chi ti pozzu riri allura io ca sugnu un signuri ?
Pigghiati na pinnula o vatinni a la missa
ca tuttu s’arrisetta pi lu secunnu attu.
E vinniru li fasci ca lu cimentu ti purtaru
in'ta li strati, pi li palazzi e pi servizi
e tu pupu arristavi comu un loccu
imbambolatu comu un passulluni.
E chi ni capisti ?
Ni viristi la billizza e a grannizza
troppu bellu quasi mi ricisti
Ma arrivaru li carri ca li fratelli si purtaru
riciunu che eranu ebrei e ca rintra lu furnu li iccaru.
Lu duci si quartiò e li genti lu seppelleru.
Fu accussi
ca la commedia divinni tragedia
i carri sinni eru e arrivarunu i bummi.
li purtaruni i inglisi e l’americani.
Liberazioni si festeggia di tannu in poi.
Nostra menti l’industria avanzò
e un sapià unni iri, strati chiusi e muntagni
macerie e ruvini intra la via nun ci putiano stari chiù,
pala e picu picciotti si travagghia.
E isa isa isa e sarba ca la sarda salata na scurdamu
ni ficimu la casa, ci’attaccamu la luci e l’acqua
e ni misimu lu divanu e appena arrivò ri cursa pura la tv.
E chi nuatri ni la putiamu fari scappari ?
Arti a malifici, l’llusioni dintra li casi, minutu pi minutu
e lu riavulu via cavu… ma tu chi’nni capisti ?
N’abbirsò comu vulia l’immagini di la menti
e ni fici chiù critini di quanto putia la cinsura.
I cristiani sarbavanu sutta lu matarazzu,
ma chi vò … arrivaru li beni pi lu svagu
e li picciuli incuminciarunu a satari fora di la porta
mancu fussiru grilli.
E te ca figghiu miu, e te ca a soru… e te ca o frati
e te ca …c’arristassi senza na lira !
Ma c’era lu riavulu ca ti tuppuliava
chi fa' a vo' na berlina cu 4 porti ?
In’ca rammilla ca mi scialu
e fazzu scialari puru a l’amici.
